उजुरी दिने समयावधि: श्रम सम्बन्धी गुनासो वा उजुरी दिन परेमा मर्का पर्ने पक्षले घटना भएको मितिले६ महिनाभित्रश्रम ऐन, २०७४ को दफा १६३ वा १६४ बमोजिम अधिकारप्राप्त निकायसमक्ष उजुरी दिनुपर्नेछ।
श्रम तथा व्यवसायजन्य सुरक्षा विभागमा उजुरी दिने विषयहरू(श्रम ऐन, २०७४ को दफा १६३ को उपदफा (१)):
इजाजतपत्र नलिई श्रमिक आपूर्ति गर्ने वा त्यस्तो कार्य गराउने।
श्रम इजाजत नलिई विदेशी नागरिकलाई काममा लगाउने।
काममा भेदभाव गर्ने।
नियुक्तिपत्र वा रोजगार सम्झौता नगरी काममा लगाउने।
अनुचित श्रम अभ्यास गर्ने।
श्रमिकलाई अन्याय हुने गरी ऐन विपरीत सरुवा गर्ने वा प्रतिष्ठानको विनियमावली विपरीत बढुवा सम्बन्धी कारबाही गर्ने।
उजुरी गर्ने निकाय:श्रम तथा व्यवसायजन्य सुरक्षा विभाग, बबरमहल।
श्रम तथा रोजगार कार्यालयमा उजुरी दिने विषयहरू(श्रम ऐन, २०७४ को दफा १६३ को उपदफा (२)):
न्यूनतम पारिश्रमिकभन्दा कम पारिश्रमिक दिई काममा लगाउने।
कानून विपरीत पारिश्रमिक वा सुविधा कट्टा गर्ने।
कानून विपरीत तालिमी वा प्रशिक्षार्थीका रूपमा काममा लगाउने।
कानूनबमोजिम श्रमिकले पाउने उपदान, सञ्चयकोष वा सामाजिक सुरक्षा कोषमा जम्मा गर्नुपर्ने रकम जम्मा नगर्ने।
औषधि उपचार खर्च नदिने वा क्षतिपूर्तिबापतको बीमा नगर्ने।
श्रम ऐन विपरीत वा भेदभावपूर्ण तरिकाले जगेडामा राख्ने।
कानून विपरीत रोजगारीको अन्त्य गर्ने वा काममा हाजिर हुन नदिने।
उजुरी गर्ने निकाय:सम्बन्धित कार्यक्षेत्रको श्रम तथा रोजगार कार्यालय।
श्रम अदालतमा उजुरी दिने विषयहरू(श्रम ऐन, २०७४ को दफा १६४):
कसैलाई बाँधा श्रममा लगाउने।
व्यवसायजन्य सुरक्षा तथा स्वास्थ्य सम्बन्धी प्रावधान जानीजानी वा लापरवाहीपूर्वक उल्लङ्घन गरी कसैको ज्यान जाने, अङ्गभङ्ग हुने वा व्यवसायजन्य रोगका कारण शारीरिक वा मानसिक क्षति हुने।
उजुरी गर्ने निकाय:श्रम अदालत, भक्तपुर।
रोजगारदाताले रोजगारी अन्त्य गर्ने गरी गरेको निर्णय वा खराब आचरणका सम्बन्धमा दिएको सजायमा चित्त नबुझेमा सम्बन्धित श्रमिकले निर्णय वा सूचना प्राप्त गरेको३५ दिनभित्र श्रम अदालतमा पुनरावेदनगर्नुपर्नेछ।
अनलाइनमार्फत उजुरी दर्ता:
श्रम तथा व्यवसायजन्य सुरक्षा विभागकोर सम्बन्धित श्रम तथा रोजगार कार्यालयको वेबसाइट।
